Joop van der Heide yn Provinsjale Steaten foar GrienLinks

Joop van der Heide fan Harns is hjoed beëdige as lid fan Provinsjale Steaten foar de fraksje fan GrienLinks. Hy folget dêrmei Irona Groeneveld op, dy’t ta wethâlder fan Skylge beneamd is.

Van der Heide (1951) is sûnt 1990 aktyf foar GrienLinks yn de gemeenteried fan Harns. Dêrfoar wie er aktyf lid fan de PPR. Yn it deistich libben is hy part time sjoernalist en redakteur fan Van Wad tot Stad. Dêrneist is er bus- en taksysjauffeur. Van der Heide is troud en hat trije bern.

Foarôfgeand oan de beëdiging fan Joop van der Heide troch kommissaris fan de Kening John Jorritsma, ha de steaten ôfskied nommen fan Irona Groeneveld. Groeneveld wie steatelid sûnt 2003 en fraksjefoarsitter foar har partij sûnt 2007. De nije foarsitter fan de twamansfraksje fan GrienLinks yn Provinsjale Steaten is Retze van der Honing. Van der Honing makket sûnt 2009 diel út fan de steaten.

• Facebook
• Twitter
• Linkedin
• Whatsapp
• Whatsapp
• Mail